La'latun panginomnoman hinadan importen ma'ma'at ya la'latun di munkaphod an mapasyal
Tun heritage.ifugao.org website ya mipa'in'inla nadan mipanggep hi tatagu hitud Ipugaw ya nadan hapitda ya nadan pammatida ya nadan ug'uglih ya nadan pangiye''eda. Mahamak datuwen tataguh gawwan di Cordillera, Philippines. Mabalin an mibaga an ohan tribu hantudan tinatagu hitud Ipugaw mu walun natkonatkon di hapitdah: kalang'uyyan hapit hiway bobled Tinoc, hapit an hanglulu hiway bobled Asipolo, hapit an tuwali hiway potok di bobled Asiplolo-Kiangan, hapit di huddokna hiway kalimuwan di algoh potok di bobled Banaue-Hingyon-Lagawe, hapit di ayangan hiway potok di tumuluwan di algo nadan bobled Banaue-Lagawe-Kiangan-Lamut, hapit an majawjaw hiway potok di bobled Mayoyao-Aguinaldo-Alfonso Lista, ya hapit an ilocano hiway potok di Alfonso Lista ya ad Lamut. Mabasa pay bohtu nadan numpapahhiwan di pammati ya ug'ugali ya pangiye''en tudan grupugrupun tataguh. Niddum dohah di grammar di udum an hapit. Mahamak hituy kanta, litlatu, pangitudok (orthography) ya grammar. Wadaday niddum an nagalumetmet an ma'ma'at ya ug'ugali ya pangiye''eh.
Ma'awis ayun mumbaha o nu tumulung an mangipaphod ituwen website.
Datuwey udum hinadan la'latun di tatagu ya nadan bobledda ya nadan papayoda ya nadan nihipun an ay'ayamda ya nadan mipanggep hinadan ug'ugalida ya pangiye''edah.
